الصوشون على طريقتي

بصلة مشلضة + فلفلة حلوة مشوطة وقطعة طريفات صغار + الربيع + الزيتون اخضر طريفات + صدر الدجاج طريفات + الشعرية الصينية اللي رقدناها شوية في الماء طايب ونقطعوها صغيرة.
نشحرو كلشي مع الزيت الملحة والبزار و التحميرة و الكامون و كنور دجاج

 
نرميو داك الخليط ملي يبرد في الطحانة و نزيدو عليه بيضة مصلوقة + جوج مرصيات كيري + الفرماج الحمر المحكوك

كنحصلو على حشوة على هدا الشكل

 
العجينة
دقيق + بيضة + معلقة الزيت البلدية + خميرة دالخبز + شوية سنيدة و الملحة نعجنوها مزيان بالماء و نخليوها ترتاح ندلكو بالدلاك و نقطعو دوائر بزلافة صغيرة ونحطو وسط كل وحدة معيلقة ديال الحشوة

 
ونطويوها على هدا الشكل نسدوها مزيان نزوقوها بالفرشيطا من الجوانب ندهنا بالبيض و ندخلوها للفرن

 هاهو الشكل النهائي ديالها

بالصحة و العافية