سلاطة المقرونية

 

 

 سلاطة المقرونية :
سلقت ليباط ف الما والملح منخليوهاش طيب بزاف مني اتغلى الما كنطيبوها 10 دقايق كنصفيها ونخليها تبرد مزيان .. قدمتها مع طن قطع التفاح مطيشة برتقال قطع الدجاج محمرة في الزبدة وشوية لوز محمر .. قدمتها مع صوص يمكن ديرو اي نوع من صوص انا هنا خلطت العسل موطارد الخل الحامض ملح ابزار زيت وسقيتو بها ..

مطبخ عائشة أوت كلميمة

8:37 ص

اقرأ المزيد

دجاجة في الفرن

 

 

دجاجة في الفرن :
خديت دجاجة صغيرة وقطعتها نقيتها مزيان وقطرتها وشرملتها بشرمولة الدجاج دخلتها للفرن سخون وكنقلبها من حين لاخر حتى طاب ..
بطاطا فالفرن:
بطاطا غسلتها مزيان وقسمتها بالطول وشرملتها بنفس شرمولة لي بقات لي من الدجاج ودخلتها للفرن حتى طابت وتحمرات .
قدمتهم مع الروز

مطبخ عائشة أوت كلميمة

8:25 ص

اقرأ المزيد

سلاطة بالمحمصة

 

 

 سلاطة بالمحمصة :
سلقت المحمصة في ما مغلي والملح حسب المدة لي مكتوبة فالغلاف وصفيتها وخليتها تبرد .. ضفت ليها زبيب مطيشة مقطعة صغار جلبانة بصلة بيضاء صغيرة مشلضة رقيق (ضيفو الفلفلة تكون مقطعة صغيرة نسيت مدرتهاش) وسقيتها بصلصة..
صلصلة : العسل و الخل والابزار و الملح و الزيت خلطهم مزيان وسقيت بها الشلاضة خليتها فالثلاجة تشرب وقدمتها باردة مع رشة الربيع

مطبخ عائشة أوت كلميمة

8:17 ص

اقرأ المزيد

حلية بالخشخاش : حلى الخشخاش : موس بالخشخش

 

حلية بالخشخاش : حلى الخشخاش : موس بالخشخش من إعداد مونى شاري
طبقة اولى : يطحن البسكوي (هنا عملنا اوريو) ويضاف له الزبدة ويتبسط فايطار كطبقة اولى ويدخل لثلاجة .
طبقة الثانية : ضربات الحليب و مستحضر الموس (موس اديال) حتى ضاعف حجمو ضافت ليه دانيت الكرميل و شي انواع تاع البسكوي بشكلاط ويكونو مقطعين(حسب لي متوفر ولي عجبكم) وبسطات الخليط على الطبقة الاولى ودخلاتها لمجمد.
طبقة التزين : تتبقى اختيارية هنا خديت الخشخاش وفرتتو رقيق وحمرتو مع شوية زبدة و شوية خمارة زهرة البرتقال (الزهر) وزينت به الوجه مزيان ولمسة اخيرة بخطوط شكلاط ابيض وزخرفات الشكلاط..

مطبخ عائشة أوت كلميمة

8:06 ص

اقرأ المزيد

باداز او كسكس الذرة الخالي من #الكلوتان

السلام عليكم البنات اليوم غنقدم ليكم باداز اي مسكسو ديال الذرة  بالورقية و الكرداس و القديد و الخضرة كيفما كتعرفو الذرة صحية و خالية من الكلوتان

باش نصايبو باداز ديالنا او أبلبول بالشلحة حاجتنا ب:

 1 كيلو ديال دقيق الذرة

1 بصلة مشلضة

 1 مطيشة محكوكة

الورقية أو الزكزاو بالشلحة 

الكرعة

خيزو

كورجيت 

اللفت

شوية القديد و الكرداس

و الزيت البلدية

بالنسبة للعطرية: البزار 

الكامون

سنجبير 

عطرية لحية الشيخ

شوية ديال السمن

الملحة ماديروهاش حتى دوقو راه الكرداس و القديد عامرين بالملحة

الطريقة:

بالنسبة للمرقة بحال المرقة ديال الكسكسو كنشحرو الكرداس و القديد مع البصلة و مطيشة و الربيع و العطرية و الزيت حتى يتشحر كلشي نظيفو الماء الكافي و نخليوها حتى تبدا طبخ نزيدو خيزو و الورقية و عطرية لحية الشيخ و شوية ديال السمن و نمشيو نفتلو باداز ديالنا

كناخدو دقيق الذرة هو كيما قلت ليكم راه خالي من #الكلوتان 

كنرشوه شوية بالما و نبقاو نخلطو باش يدخل الما بحال كيما كنديرو في الزميتة نرشو الما تدريجيا و نفتلو حتى كنشوفو راه ولى بحال الكسكسو تندخلو ليه تقريبا نص ليترو ديال الماء ويلا شفتو كويرات ماتخافوش كندوزوه في غربال واسع كيتحلو الكويرات و تنديروه في الكسكاس يتفور التفويرة الأولى

كنخليو يتفور تقريبا ساعة ديال الماكانة حيت باداز تيبغي الطياب

ملي تدوز ساعة تنحيدوه و نرشو عليه الما تدريجيا تاني حتى يتحل و يشرب لينا الماء تقريبا نص ليترو أخر ديال الماء تدريجيا.

 نخليوه واحد 5 دقايق يشرب الما و زيدو الكرعة و الكورجيت للبرمة من بعد نرشو كاس ديال الزيت لباداز ديالنا و نخلطو مزيان دخل فيه الزيت و نردوه يتفور التفويرة التانية و خليوه يطيب تقريبا ساعة عاود حيت كيما قلت ليكم باداز تايبغي الطياب مللي تيطيب تنحطوه في طبق التقديم و نسقوه دغيا ماتخليوهش يبرد و بالصحة و الراحة

مطبخ عائشة أوت كلميمة

4:55 ص

اقرأ المزيد

حلوى الطبقات باردة بمذاق القهوة لا تقاوم

 

حلوى الطبقات باردة بمذاق القهوة لا تقاوم

الكيك:

2 بيضات

1 خميرة الحلويات

1 صاشي كاكاو

نصف كأس حليب

نصف كأس سكر

نصف كأس زيت

الدقيق

نخلطو المكونات ونكبو الخليط في المول اللي تيتحل دائري او مربع حسب الرغبة ندخلوها للفرن مللي طيب نخرجوها نسقيوها بالماء دافيء مع نيسكافي

الطبقة الثانية:

نصف لتر حليب 

4 ملاعق نشا

سكر حسب الذوق

 1  ساشي فاني

يخلط الكل و يوضع على نار هادئة حتى بعقاد الخليط و نكبوه برفق على الكيك و ندخلوها للتلاجة

الطبقة الثالتة:

كاس كبير من الماء 

1 فلون فاني

سكر حسب الذوق

1 ملعقة كبيرة نيسكافي

يخلط الكل و يوضع على نار هادئة حتى يعقاد و تنستفو هنريس فوق الطبقة التانية و نكبو عليه الفلون برفق و نردوه للتلاحة حتى تبرد مزيان نحيدو الإيطار و نقدموها بالصحة و الهنا

مطبخ عائشة أوت كلميمة

1:41 م

اقرأ المزيد

طورطات ساهلين لعيد الميلاد

 

الجينواز 

4 بيضات  150g سكر  150g دقيق  معيلقة خميرة حلوى ساشي ديال الكاكاو اللي بغاها بنية أنا هنا درت وحدة بنية و وحدة عادية

الطريقة

نطربو ابيض البيض مع السكر بالطراب حتى يولي ابيض من بعد نزيدو الأصفر بالتدريج مع ملعقة زيت و قطرة خل و حنا تنطربو حتى يتضاعف الخليط و نزيدو الطحين مغربل إيلا بغيناها بنية نحيدو معيلقة ديال الدقيق و نزيدو الكاكاو و نبداو نخلطو غير بشي معيلقة من التحت للفوق بالشوية باش مايهبطش لينا الخليط نديروها في مول و ندخلوها لفران سخون و نقصو العافية ملي طيب نحيدوها.

نطربو الكريما السائلة أنا استعملت هولالا مللي طلع الكريما  نسقيو الجينواز ديالنا بعصير برتقالة مغلي و نديرو فوقها الكريما و نزينوها بفلون فاني أو أي نكهة بغينا و نديرو خكوط بالشكلاط ونقدموها بالصحة و الهنا

مطبخ عائشة أوت كلميمة

10:50 ص

اقرأ المزيد

المخنفر او الخبز الماوي

زلافة صغيرة فينو

زلافة صغيرة فرص

جوج معالق زيت

معيلقة صغيرة سكر

واحد بيضة

واحد خميرة الحلوى

معلقة خميرة الخبز

الملح حسب الدوق

 الماء الكافي

مطبخ عائشة أوت كلميمة

5:28 ص

اقرأ المزيد

حلوة المرشم دواز اتاي

حلوة المرشم دواز اتاي

المكونات اربعة بيضات

كاس السكر

كاس و نصف زيت

نصف كاس فيه الزنجلان و حبة حلاوة و اللوز كلشي محمر و مطحون 

قشور ليمونة محكوكة

جوج خمارات

واحد ساشي فاني

و الدقيق الكافي لجمع المكونات و شكلاط مقطع قطع صغيرة للتزيين

 

الطريقة

تنخلطو كل المكونات و نجمعوهم بالدقيق نكونو كويرات صغار و نرشموهم بالمرشم و ونزينوهم بالشكلاط و بالصحة و الهنا

مطبخ عائشة أوت كلميمة

4:21 ص

اقرأ المزيد

طارط باردة بالبرتقال و الجزر سهلة و لديدة

مقادير و طريقة طارط باردة بالبرتقال و الجزر شكل رائع و مذاق اروع بالصور

مقادير الجنواز
2 بيضات
5 معالق سكر
خمارة حمرا
5 معالق طحين
صاشي ديال الكاكاو
معيلقة زيت

الطريقة
 نطربو البيض مع السكر و الزيت وبعد نضيفو الطحين و الخميرة والكاكاو مغربلين
بعد ان تتجانس كل المكونات نصب الخليط في قالب الكيك و ندخلها للفرن حتى تطيب
 ونسقيوها بالقهوة
الطبقة الثانية
نصف لتر من الحليب  مهلط مع جوج بنانات مطحونين
سكر حسب الذوق
2 معاق مايزينا
صاشي الفانيلا
نخلطوهم ونديروهم فوق عافية مهيلة تايعقاد و نكبو فوق الكيكة لطيبنا نخليوها ترتاح و ندخلوها للثلاجة حتى تبرد
الطبقة الاخيرة
نصلقو جزرة ونطحنوها  مع  عصير البرتقال و نزيدو عليه 2 ملعقتان من المايزينا  و نديروه فوق النار حتى يعقاد الخليط و نكبوه فوق الطبقة التانية ثم نعودو ندخلوها للثلاجة حتى تبرد
ملي نخرجوها من التلاجة نزينوها كيفما بغينا أنا زينتها بالشكلاط
و نقدموها  بالصحة و الهنا

مطبخ عائشة أوت كلميمة

8:33 ص

اقرأ المزيد