أحدث المواضيع
الأربعاء، 4 فبراير 2015

دجاجه معمره و مبخره




ناخد دجاجة و نشرملها انا درت قسبر و معدنوس و الملح و الكامون سكينجبير تحميره ابزار خرقوم توم عصير حامضه شوي زيت الزيتون شرملتها مزيان و غطيتها و دخلتها التلاجه باتت ليله كامله
و في الصباح خديت فلفل احمر اخضر اصفر شومبيون زيتون قطعتهوم صغار و شوي كفته
و حطيتهوم فوق النار يتشحرو شوي مع شوي عطريه و زيت و زدت عليهوم شعريه الصينيه مرطبه في الما سخون و مقطعه و خليت الخليط برد و عمرت دجاجة و تقبتها تقيبات صغار باش يدخل الطياب و سديتها و درتها في الكسكاس حتى طابت .
و خديت الخضر قطعتها و درت ليها الملح و فورتها و فاش طابت كل نوع خضره درتو فالمقله مع شوي ربيع و الكامون و الابزار و شويه هريسه و شوي زيت و قاديت الملح
و الدجاجة دهنتها بالزبدة و شوي كنور و شوي هريسه كيعطيها مداق زوين وحمرتها في الفرن

 هاهي طايبة

 
و بصحة و الراحة


0 التعليقات:

إرسال تعليق