طارط جدع الشجرة على طريقتى

 مقادير الجنواز
g150 طحين
g150 سنيدة
4 بيضات
شويش ملح
راس معيلقة خميرة
الكاكاو
شويش الخل

 الطريقة
اولا كنحيدو جوج معالق طحين و كنعوضوهم بجوج معالق كاكاو

كنفصلو ابيض البيض عن الاصفر
نحطو اصفر البيض في زلافة فيها معيلقة الزيت

 كنضربو ابيض البيض مع السكر على حمام مريم بالضراب حتى يولي كالتلج

  نزيدو اصفر البيض و الخل وحنا كنضربو حتى يتضاعف الخليط

 نغربلو فوق داك الخليط الطحين مخلط بالكاكاو و الراس معيلقة خميرة و شويش ملح

 ونبداو نخلطو من تحت لفوق بالشوية باش مايزلش لينا الخليط و يخوى من الهواء 

 نديرو بابيي اليمونتير فوق المول ندهنوه بالزيت

 و نكبو الخليط و نحلوه باش يجي متساوي في المول

و ندخلو الجينواز ديالنا للفرن اللي سخناه من قبل و نقصو العافية و نخليوها 10 حتى 15 دقيقة

 و نحيدوها و نقلبوها فوق الزيف

 هاهي جاهزة للاستعمال

 نسقيو الجنواز ديالنا بالماء اللي غلينا فيه نيسكافي و ندهنوها بالكريما البيضاء

 و نلويوها بالمهل بمساعدة الزيف

 ونلويو عليها داك الزيف و نحطوها في التلاجة تقريبا نص ساعة تشد راسها

 و نخرجوها نحطوها في طبصيل و ندهنوها بالكريما البنية و نعملو خطوط بالفرشيطا

 نكبو عليها الصالصا دالشكلاط

 و ندردرو عليها فيرميسيل
هاهي واجدة

بالصحة و الهنا