المقادير
6 معالق الزيت + 1 معيلقة الخل + 6 معالق حليب + 4 معالق سنيدة + 2 بيضات + 1 خميرة الحلوى + 8 معالق دقيق
الطريقة
كنخلطو مقادير الكيكة
و كنقسموه على تلاتة ديال زلايف و نزيدو الكاكاو لواحد الزلافة حتى يولي الخليط بني
و ندهنو مقلاة طيفال بالزيت
و نكبو الزلافة الاولى ملى طيب على نار مهيلة و نكبو الزلافة التانية تم التالتة حتى نطيبوهم كاملين
كنقطعوهم بالايطار باش يجيو مقادين كلهم و نديرو الايطار في طبصيل التقديم و نديرو فيه الكيكة الاولى
كنغليو كاس الماء و نزيدو فيه معيلقة نيسكافي و معيلقة سنيدة و نسقيو بيه الكيكة مزيان
ونديرو طبقة الكريم شانتيي
ها الرابط ديال الكريم الى بغيتي تصايبيها في الدار
و نزيدو الكيكة البنية و نسقيوها مزيان حتى هي بداك السيرو ديال نيسكافى ونزيدو تاني الكريم و من بعد الكيكة الصفرة الاخيرة و دايما نسقيوها
نديرو الكريم و من الفوق كاع الصالصا ديال الشكلاط ها هو الرابط ديال صالصا الشكلاط الى بغيتي تيبيها في الدار
نحيدو الايطار
و نديرو الصالصا الشكلاط حتى في الجوانب و نلصقو على الجوانب الرقاقة ديال اللوز و نزوقوها بالكركاع و الكريما
هاهي واجدة
بالصحة و الهنا
0 التعليقات:
إرسال تعليق