طارط ساهلة و اقتصادية

هدي حلوى أخرى حتى هي ساهلة و إقتصادية
6 معالق كبار دقيق
6 م ك زيت
6 معالق سنيدة
6 معالق عصير اليمون
1 خمارة وحدة حمراء
2 بيضات
2 معالق كاكاو
هدي بالنسبة طبقة الأولى كتخلطي الكل وديرهم فمول مذهون بزبدة ودقيق حتى طيب وما بين أسرار إنتفاخ كيك خلي دقيق هو أخير
طبقة 2
نص لتر حليب
2 معالق كبار نشا
2 معالق سكر أو حسب الذوق
شوية فاني
كتحركي الكل حتى تعقاد
بيما طيب كيك خليها تبرد شوية كببي عليها كريمة ودخليها ثلاجة
حتى تجمد
طبقة 3
نصف لتر عصير البرتقال
1 فلون فاني
فاني
سكر حسب ذوق
2 معالق ديال نشا
كتحركي كلشي بيما إعقاد عصير خرجي كيك من ثلاجة كبيه عليه ودخليها لثلاجة حتى تقدموها وبصحة و راحة
ملاحظة
جميع معالق لي درنا معالق كبار
ممكن تزيدو فطبقة 2 شوية بنان ولا زبيب ولا اللوز و كركاع و لي عندكم هي صحية و ساهلة إلا بغيتو تكون كبيرة ديرو ضوبل المقادير