المدفونة الفيلالية على طريقتي

العجينة كنديرو عجينة دالخبز عادية القمح و الفرص

 نخلوها تخمر و نوجدو الحشوة ديالنا

كنخدو بصلة مشلضة + 2 فلفلات  مقطعين طراف صغار + 1 

معلٌقة زبدة بلدية +ملحة + ابزار + كامون + طحمير + خرقوم 

هدشي كولو يتشخر في مقلاة

 

كنزيدو مقدار 20 درهم كفتة

كنشحرو كلشي في المقلة

نحصلو على هد الحشوة

كنوجدو ديك الحشوة و نصلقو  جوج بيضات و نوجدو الفرماج محكوك

ملي تخمر العجينة كنديرو منها جوج كويرات 

نبسطو اللولى و نحطو فيها ديك الحشوة د الكفتة اللي وجداه

نزيدو فوقها البيض المصلوق اللي حكيناه

 
نزيدو  الفرماج المحكوك

 نغطيوها بالكرة التانية

 نبسطوها و نخليوها ترتاح

ملي نبغيو ندخلوها للفران نهنوها بالزيت

 هاهي طايبة

هاهي واجدة جربوها عندها مداق لدييييد و بالصحة و الهنا